سه‌رچاوه‌ی ده‌سه‌ڵات و كاریگه‌ری ئه‌و ده‌سه‌ڵاته‌ له‌خێزانێكه‌وه‌ بۆ خێزانێكی تر جـیـاوازه‌، ئه‌و سه‌رچاوه‌یه‌ش خۆی ده‌بینێته‌وه‌ له‌ زانست و زانیاری یان له‌سه‌روه‌ت و سامان یان له‌نزیكی و خزمایه‌تی یاخود له‌پله‌و پایه‌ی كۆمه‌ڵایه‌تی...هتد.

ئه‌گه‌ر هاتوو ده‌سه‌ڵات له‌خێزان به‌شێوه‌یه‌كی ناڕێك و نادروست دابه‌ش بكرێت، ئه‌وا له‌وانه‌یه‌ ببێته‌هۆی ئه‌و ئه‌ندامه‌ی ده‌سه‌ڵاتێكی زۆری پێدراوه‌ ڕۆڵی ئه‌ندامێكی تر داگیر بكات، بۆ نموونه‌ : خه‌سوو هه‌وڵی ئه‌وه‌ ده‌دات ڕۆڵی بوكه‌كه‌ی بزر بكات یاخود لاوازی بكات وه‌كو ژن، هه‌روه‌ها وه‌كو دایكیش، چونكه‌ ژنی كوڕه‌كه‌یتی هه‌روه‌ها دایكی منداڵه‌كانی كوڕه‌كه‌یه‌تی.