پرسە یاساییەکان لەدیبەگە تاوتوێ دەکرێن



 

بۆ شارەزابوون لەمافە یاسایی ئافرەتان لەرێکەوتننامە نێودەوڵەتى و یاسا ناوخۆییەکاندا، سەنتەرى ئافرەتانى کەمپی دیبەگە 1 ـى مەسەللـە بۆ پەرەپێدانى توانا مرۆییەکان، سیمینارێک بۆ کۆمەڵێک ئافرەتى کەمپەکە رێکدەخات.

سەمیرە تەها مەحمەد، بەرپرسى سەنتەرى ئافرەتانى ئەو کەمپە ئاماژەى بەوە داوە " لەچوارچێوەى چالاکییەکانى رۆژى جیهانی ئافرەتانەوە، سەنتەرەکەیان سیمینارێک بۆ شارەزابوون لەمافە بنەڕەتیەکاندا ساز کردووە".

روونیشیکردەوە " لەو سیمینارە 35 ئافرەتى نێو کەمپی دیبەگە یەک بەشدارییان تێدا کردووە".

سەمیرە تەها گووتیشى " وانە یاساییەکە لەلایەن پارێزەرێکی رێکخراوى قەندیل پێشکەش کراوەو، تێدا باسى لەیاسا نێودەوڵەتیەکان و پابەندییەکانى عێراق لەو یاسانە کردووە".

جگە لەیاسا بنەڕەتیەکان، بەشێکى سیمینارەکە تەرخانکرابوون بۆ مافە شەرعییەکانى ئافرەتان لەئایینە ئاسمانیەکان.

ئەمەش لەکاتێکدایە مەسەللـە بۆ پەرەپێدانى توانا مرۆییەکان رۆڵێکى کارای هەیە لەپەرەپێدانى هێزو توانا ئافرەتان و چەسپاندنى مافەکانیان.

بەو بۆنەوەیەش بەهاوبەشى لەگەڵ رێکخراوى UNFPA چەندین چالاکیی هاوبەش بۆ پرسى ئافرەت ئەنجامدەدات.

تەنانەت لەسەر ئاستى نێودەوڵەتی و ناوخۆییش چەندین خەڵاتى رێزلێنانى پێبەخشراوە.

 

Unable to open the PDF file.