باسرمە مەراسیمێک بۆ 8 مارس ئەنجامدا



 

لەچوارچێوەى چالاکییەکانى رۆژى جیهانى ئافرەتان لە 8 مارس, سەنتەرى ئافرەتانى مەسەللـە بۆ پەرەپێدانى توانا مرۆییەکان لەکەمپی باسرمە بۆ پەنابەری سووریا، کۆمەڵێک چالاکیی بۆ بەرز راگرتنى ئەو رۆژە ئەنجامداوە.

نەسرین فەهد مەحمەد، بەرپرسى سەنتەرەکە ئاماژەى بەوەداوە " لەو چالاکییە 83 ئافرەتى نێو کەمپەکە بەشداریی چالاکییەکانى مەسەللـە بەبۆنەى 8 مارسەوە کردووە".

راشیگەیاند " ئەو چالاکییە بەئامانجی ئەوە رێکخراوە، پێویستە هەموو ئافرەتێک رۆڵێکى کارای لەبوارە سیاسی، ئابوورى، کۆمەڵایەتى و کلتووری هەبێت".

سەرەتاى دەستپێکردنى چالاکییەکە بەدەقیقەیەک وەستان بوو، بۆ گیانى ئافرەتە شەهیدانى رێگاى ئازادی.

هەروەها لەو نێوەندەش جێگرى بەرێوەبەرى کەمپەکە ووتارێکى لەچالاکییەکانى مەسەللـە پێشکەش کردو، تێدا باسى گرنگى ئەو رۆژە کردووە.

دواتر کۆمەڵێک چالاکیی لەلایەن ئافرەتان و کچانى کەمپەکە پێشکەش کراوە لەنێویاندا (گۆرانى، سوود وەرگرتن لەزانیارییە کلتوورى و رۆشنبیرییەکانى دانیشتوانى کەمپەکە)، هەروەها بەرز راگرتنى دابو نەریتى بەرزی کەسەکان.

ئەو چالاکییانەى سەنتەرى ئافرەتانى باسرمە لەکاتێکدایە مەسەللـە بۆ پەرەپێدانى توانا مرۆییەکان لەسەرتاسەرى هەرێمى کوردستان و عێراق چەندین چالاکیی جۆراجۆری ئەنجامداوەو، ساڵرۆژى 8 مارسی لەنێو کەمپەکان و، بنکەکانى خۆیدا بەرز راگرت.

بەشێکى دیکەى چالاکییەکانى کەمپى باسرمە بریتى بووە، لەباسکردن لەڕەوشى ئافرەتانى گوندنیشینەکان و، رۆڵیان لەنێو کۆمەڵگەکانداو، دواتر باسى پێگەى ئافرەتانى سەرتاسەرى جیهان کرا.

لەدوا بڕگەکانى مەراسیمەکە کۆمەڵێک پێشبڕکێ لەنێو کچان و ئافرەتان بەرێوەچوون و، براوانى مەراسیمەکەش لەلایەن مەسەللـەوە خەڵاتکران.

 

Unable to open the PDF file.